குணசேகரா,குணசேகரா ----------------------------------------------------------------- குழந்தை உள்ளம்---- அதற்குள் கொதிக்கும் அனல்,

குணசேகரா,குணசேகரா
-----------------------------------------------------------------
குழந்தை உள்ளம்---- அதற்குள் கொதிக்கும் அனல்,

இளகிய மனம்-------அதற்குள் இரும்பான உறுதி,

வெட்டப்பட்ட பட்ட சிறகுகள்--- -விண்தாண்டிப் பறக்கும் எத்தனம்
.,
எளிமையான பேச்சு- ----------இறுக்கமான கொள்கை.

நண்பர் குணசேகரன் இழப்பு மலையாய் மனதை அழுத்துகிறது

இலங்கையிலிருந்து பாண்டிச் சேரி பல்கலைக் கழகத்தில் நாடகம் படிக்கச் செல்லும் மாணவர்கள் பலருக்கு அவரது வீடு ஒரு தங்கு மடம்

பாண்டிச்சேரி சென்றால் என்னை எங்கும் தங்கவிடமாட்டார்.

அவர் வீட்டில் தங்கச் சொல்லி உரிமையோடு கட்டளையிட்டுவிடுவார்..

ஒவ்வொரு நாளும் காலையில் எழுந்து இருவரும்
வேட்டியை மடித்துக் கட்டிக்கொண்டு நடை பவனி
வருவோம்

எனக்கு அது மிகவும் பிடிக்கும்

வரும் வழியில் எழுத்தாளர் பெரியவர் கி.ராஜநாராயணன்
வீட்டில் காலைக் காப்பி

நடை பவனி வருகையில் அவரோடு கதைக்க வரும் அனவருக்கும் என்னை அறிமுகம் செய்வார்

குணசேகரந்தான் பாண்டிச்சேரியிலுள்ள ஏழை மாரி அம்மன் கோவிலை எனக்கு அறிமுகம் செய்து வைத்தார்

நான் அவரிடம் கேட்டேன்

“ஏழை மாரி அம்மனா?
ஏழைகளின் மாரி அம்மனா?”

“நீங்கள் சொன்னஇரண்டாவதுதான் சரிபோல் தெரிகிறது ஸார்”

என்று சிரித்துக்கொண்டு சொன்ன அந்தப் பொழுதுகள் ஞாபகம் வருகிறது

ஏழைகளுக்காக

அடக்கப்பட்டவர்களுக்காக

மேடை தோறும் பாடினார்

தன் இளமைக்காலக் கதைகளையெல்லாம்
உருக்கத்தோடு உரைப்பார்.

பட்ட துயரங்களைக் கொட்டித் தீர்ப்பார்

தடைகள் பல தாண்டி ஓர்மத்தோடு முன்னேறிய மனிதர்.

பல தடவைகள் கிழக்குப் பலகலைக் கழகம் வந்துள்ளார்.

அவர் பழக்கிச் சென்ற

“மக்கள் வாழும் மண்ணகம்”

பாடலை எமது மாணவர்கள் இப்போதும் மேடையில் உணர்ச்சியோடு பாடுகிறார்கள்.

நண்பர்கள் ஒவ்வொருவராக விடை பெறுகிறார்கள்
.
குழந்தை உள்ளம் கொண்ட குணசேகரா

கனக்கும் மனத்தோடு உங்களை அனுப்புகிறேன்

மௌனகுரு